ராகம் மூவீஸ் பேனரின் கீழ் ராஜு மல்லையாத் மற்றும் கான்ஃபிடன்ட் குரூப் சி.ஜே.ராய் தயாரிப்பில் அகில் பால் & அனஸ் கான் இயக்கத்தில் டோவினோ தாமஸ், த்ரிஷா, வினய் ராய் ஆகியோர் நடிப்பில் வெளியாகி இருக்கும் ’ஐடென்டிட்டி’
நாயகன் டோவினோ தனது இரு தங்கைகளுடன் ஒரே குடும்பமாக வாழ்க்கை வாழ்ந்து வருகிறார் இந்நிலையில் துணிக்கடை ஒன்றில் இளம் பெண் ஆடை மாற்றுவதை அங்கு மறைத்து வைக்கப்பட்டிருக்கும் செல்போன் மூலம் ஆபாசமாக படம் எடுத்து பணம் கேட்டு மிரட்டி வரும் நபரை எரித்துக் கொன்று விடுகிறார் டோவினோ.
இதனையடுத்து இந்த சம்பவத்தை நேரில் பார்த்து விடுகிறார் த்ரிஷா. சம்பவத்தை நேரில் பார்த்த சில நிமிடங்களிலேயே விபத்தில் சிக்கி விடுகிறார். அந்த கொலையாளியை நேரில் பார்த்த சாட்சியான திரிஷா மூலம் போலீஸ் அதிகாரி வினய், குற்றவாளிகளின் அடையாளங்களை வைத்து அவர்களை அப்படியே வரையும் அதீத திறன் படைத்த டோவினோ தாமஸின் உதவியை நாடுகிறார்.
இறுதியில் டொவினோ போலீஸ் அதிகாரியான வினய்க்கு உதவி செய்தாரா? இல்லையா? டொவினோ எரித்து கொலை செய்த குற்றவாளிக்கும் வினய்க்கும் தொடர்பு உள்ளதா? இல்லையா? என்பதே ’ஐடென்டிட்டி’ படத்தின் மீதிக்கதை.
ஹரன் சங்கர் என்ற கதாபாத்திரத்தில் கதாபாத்திரத்தில் நடித்திருக்கும் டோவினோ தாமஸ் முதல்பாதி அமைதியானவராகவும் இரண்டாம் பாதி அதிரடி நாயகனாக நடிப்பில் கவனம் பெறுகிறார்
நாயகியாக நடித்திருக்கும் த்ரிஷா விபத்தால் ஞாபக மறதியால் பாதிக்கப்பட்ட கதாபத்திரத்தில் கச்சிதமாக பொருந்தியிருக்கிறார். கதை அடுத்த கட்டத்திற்கு நகர துணை நிற்கிறார்.
போலீஸ் அதிகாரியாக வரும் வினய் நல்லவரா கெட்டவரா என்று யாரும் யூகிக்க முடியாத அளவிற்கு வித்யாசமான கதாபாத்திரத்தில் மிரட்டலான நடிப்பை கொடுத்திருக்கிறார். படத்தில் மற்ற வேடங்களில் நடித்த அனைவரும் கதைக்கு ஏற்ற தேர்வாக இருக்கிறார்கள்.
இசையமைப்பாளர் ஜேக்ஸ் பிஜாயின் பின்னணி இசை படத்திற்கு மிகப்பெரிய பலமாக இருக்கிறது. அகில் ஜார்ஜின் ஒளிப்பதிவு கதை ஓட்டத்திற்கு பக்க பலமாக உள்ளது.
இன்றைய சமூகத்தில் நடக்கும் குற்ற சம்பவங்களை அடிப்படையாக வைத்து ஒரு சஸ்பென்ஸ்,திரில்லர் கதையை யாரும் யூகிக்க முடியாத விதத்தில் உருவாக்கியிருக்கிறார்கள். அகில் பால் & அனஸ் கான் படத்தின் ஆரம்பம் முதல் இறுதிவரை விறுவிறுப்பாக கதையை நகர்த்தி சென்றிருக்கும் இயக்குனர்களுக்கு பாராட்டுக்கள்.
மொத்தத்தில் ’ஐடென்டிட்டி’ வெற்றியை நோக்கி
மதிப்பீடு : 3.5/5
நடிகர்கள்: டோவினோ தாமஸ், த்ரிஷா, வினய் ராய்
இசை: ஜேக்ஸ் பிஜோய்
இயக்கம்: அகில் பால் & அனஸ் கான்
மக்கள் தொடர்பு : சதீஷ்குமார் (S2)
Leave a Reply