எஸ் என் ரெட்டி, எஸ் பத்மஜா, பால சுந்தரம், தினேஷ் சுந்தரம் தயாரிப்பில் ஈஸ்வர் கார்த்திக் இயக்கத்தில் சத்ய தேவ், டாலி தனஞ்செயா, ப்ரியா பவானி சங்கர், சத்யராஜ் ஆகியோர் நடிப்பில் வெளியாகி இருக்கும் ’ஜீப்ரா’
ஒரு நாள் நாயகி பிரியா ஒரு வாடிக்கையாளருக்கு நான்கு லட்ச ரூபாயை அனுப்புவதற்கு பதில் வேறு ஒருவருக்கு தவறுதலாக அனுப்பி விடுகிறார். இதனால் பிரியா பெரிய சிக்கல் ஏற்படுகிறது இதனையடுத்து நாயகியை காப்பாற்ற களத்தில் இறங்குகிறார் சத்யதேவ். சில தில்லுமுல்லு வேலைகளை செய்து நாயகியை இந்த சிக்கலில் இருந்து காப்பாற்றுகிறார்.
இதே சமயம் பிரபல தாதாவாக இருக்கும் டாலி தனஞ்செயாவிற்கு சேர வேண்டிய ரூ.5 கோடியை சத்ய தேவ் பெயரில் மோசடி செய்ய விடுகிறார்கள்.
அந்த 5 கோடி ரூபாயால் மிகப்பெரிய பிரச்சனையில் சிக்கிக்கொள்ளும் சத்ய தேவ், அதில் இருந்து மீண்டு வந்தாரா? இல்லையா? என்பதே ’ஜீப்ரா’ படத்தின் மீதிக்கதை.
நாயகனான நடித்திருக்கும் சத்ய தேவ் எதார்த்த நடிப்பை கொடுத்திருக்கிறார். காதலியை காப்பாற்ற எடுக்கும் முயற்சிகள் அம்மாவை காப்பாற்ற எடுக்கும் முயற்சிகள் வில்லனிடம் மாட்டி தவிப்பது என சிறப்பாக செய்திருக்கிறார். நாயகனுக்கு உதவி செய்யும் முக்கியமான கதாபாத்திரத்தில் நடித்திருக்கிறார் சத்யராஜ்
வில்லனான வரும் டாலி தனஞ்செயா தான் வில்லன் அல்ல தானும் ஒரு நாயகன் என சொல்லும் அளவிற்கு இவரது நடிப்பு இருக்கிறது. நாயகியாக வரும் ப்ரியா பவானி சங்கர் கொடுத்த வேலையை குறைவில்லாமல் செய்திருக்கிறார்.
வில்லனாக வரும் சுனில் வர்மா, ஜெனிபர், சுரேஷ் மேனன் என மற்ற வேடங்களில் நடித்திருப்பவர்கள் கொடுத்த வேலையை குறைவில்லாமல் செய்திருக்கிறார்கள்.
இசையமைப்பாளர் ரவி பஸ்ரூரின் இசையில் பாடல்களும், பின்னணி இசையும் படத்திற்கு பலம் சேர்க்கிறது. ஒளிப்பதிவாளர் சத்யா பொன்மர் காட்சிகளை அழகாகவும் பிரமாண்டமாகவும் காட்டியிருக்கிறார்.
வங்கிகளில் நடக்கும் மோசடிகளை மையமாக வைத்து திரைக்கதையை உருவாக்கியிருக்கிறார் இயக்குனர் ஈஷ்வர் கார்த்திக், ஒரு வங்கியின் செயல்முறை குறித்தும் வங்கியில் உள்ள நிதி ஆதாரங்களுக்கான பாதுகாப்பு குறித்தும் சொல்லியிருக்கிறார்
மொத்தத்தில் ’ஜீப்ரா’ பண மோசடி எட்டு :
மதிப்பீடு : 3/5
நடிகர்கள்: சத்ய தேவ், டாலி தனஞ்செயா, ப்ரியா பவானி சங்கர், சத்யராஜ்
இசை: ரவி பஸ்ரூர்
இயக்கம்: ஈஸ்வர் கார்த்திக்
மக்கள் தொடர்பு : சதிஷ் & சிவா
Leave a Reply