‘ஜாக்கி’ – விமர்சனம்

பிகே 7 ஸ்டுடியோஸ் எல்.எல்.பி – பிரேமா கிருஷ்ணதாஸ், சி.தேவதாஸ், ஜெயா தேவதாஸ் இயக்குநர் டாக்டர்.பிரகபல் இயக்கத்தில் யுவன் கிருஷ்ணா, ரிதன் கிருஷ்ணா, அம்மு அபிராமி, மதுசூதன் ராவ், காளி, சித்தன் மோகன், சரண்யா ரவி, பத்மன், யோகி, சாய் கணேஷ், சிதம்பரம், பிரவீன், ஆதவ், ஈஷா ஆகியோர் நடிப்பில் வெளியாகி இருக்கும் ‘ஜாக்கி’ .

மதுரையில் ஷேர் ஆட்டோ டிரைவரான யுவன் கிருஷ்ணா, அக்கா , குழந்தை என்று மகிழ்ச்சியாக வாழ்ந்து வருகிறார். கிடா சண்டையில் அதிகம் ஆர்வம் கொண்ட நாயகன் காளி என்ற கிடாவை வளர்த்து வருகிறார்.

இதே சமயம் வில்லனான ரிதன் கிருஷ்ணா கிடா சண்டையை கவுரவமாக கருதுகிறார். அதற்கு காரணம் கிடா போட்டியில் வெற்றி பெற்றால் ‘ஜாக்கி’ என்ற பதக்கத்தால் கிடைக்கும் கௌரவமே முக்கியமானதாகும்.

ஒருநாள் நாயகி அம்மு அபிராமியை பார்த்ததும் காதல் கொள்கிறார் நாயகன் யுவன் கிருஷ்ணா நாளடைவில் இருவரும் காதலிக்கிறார்கள். இதற்கிடையே நடக்கும் ஒரு கிடா சண்டையில் யுவன் கிருஷ்ணாவின் கிடா, ரிதன் கிருஷ்ணாவின் கிடாயை வீழ்த்தி விட, அதன் மூலம் இருவருக்கும் இடையே பகை உண்டாகிறது.

கிடா சண்டையால் ஆரம்பித்த மோதல் இரு தரப்புக்கும் இடையே வெட்டு குத்து வரை செல்கிறது. இதனையடுத்து ஊர் பெரியவர் மதுசூதன் ராவ் இதற்கு முற்றுப்புள்ளி வைக்க வேண்டி இறுதியாக இருவரது கிடாய்களுக்கு இடையே போட்டி வைக்கிறார். போட்டியில் வெற்றி பெறுபவருக்கு ‘ஜாக்கி’ பதக்கம் கிடைக்கும் என்று கூறுகிறார்.

இறுதியில் நாயகன் ரிதன் கிருஷ்ணா கிடா போட்டியில் வெற்றி பெற்றாரா ? இல்லையா? ‘ஜாக்கி’ பதக்கத்தை கைப்பற்றினாரா ? இல்லையா? என்பதே ‘ஜாக்கி’ படத்தின் மீதிக்கதை.

ஷேர் ஆட்டோ டிரைவராக நடித்திருக்கும் யுவன் கிருஷ்ணா, மதுரை இளைஞராக அதிரடி காட்டி மிரட்டியிருக்கிறார். காளி கிடாவிடம் காட்டும் அன்பு, அக்கறை, பயிற்சி என்று ஒரு பக்கம் இருக்க நாயகி அம்மு அபிராமியுடனான காதல், ரொமான்ஸ் என்று அசத்தியிருக்கிறார். குறிப்பாக சண்டை காட்சியில் அதிரடிகாட்டியிருக்கிறார்.

வில்லனாக மிரட்டியிருக்கும் ரிதன் நாயகனுக்கு இணையான கதாபாத்திரத்தில் மிரட்டியிருக்கிறார். வெற்றி பெற வேண்டும் என்பதற்காக எந்த எல்லைக்கும் செல்ல கூடிய கொடூர குணம் கொண்டவராக கண்களாக மிரட்டிடுகிறார்.

நாயகியாக நடித்திருக்கும் அம்மு அபிராமி, கொடுத்த வேலையை குறைவில்லாமல் செய்து அனைவரின் பாராட்டை பெறுகிறார்.

மதுசூதன் ராவ், சித்தன் மோகன், சரண்யா ரவி, பத்மன், யோகி, சாய் தினேஷ், சிதம்பரம், பிரவீன், ஆதவ், ஈஷா என படத்தில் நடித்த அனைவரும் கதைக்கு ஏற்ற சரியான தேர்வாக இருக்கிறார்கள்.

இசையமைப்பாளர் சக்தி பாலாஜியின் இசையில் பாடல்கள் அனைத்தும் கேட்கும் ரகம். பின்னணி இசை கதை களத்திற்கு ஏற்றவாறு இருக்கிறது. என்.எஸ்.உதயகுமார் ஒளிப்பதிவு பிரமாண்டமாக இருக்கிறது.

கிடா சண்டை, பகை, கௌரவம் ஆகியவற்றை மைய கருவாக வைத்து ஒரு முழு நீள ஆக்‌ஷன் திரைப்படத்தை உருவாக்கியிருக்கிறார் இயக்குநர் டாக்டர்.பிரகபல் இத்திரைப்படத்தை மண்மணம் மாறாமல் மதுரை மண்ணின் வாழ்வியலை அற்புதமாக கொடுத்திருக்கும் இயக்குனருக்கு பாராட்டுக்கள்.

மொத்தத்தில் ‘ஜாக்கி’ – வீர விளையாட்டு

மதிப்பீடு : 3.30/5

நடிகர்கள் : யுவன் கிருஷ்ணா, ரிதன் கிருஷ்ணா, அம்மு அபிராமி, மதுசூதன் ராவ்,
இசை : சக்தி பாலாஜி
இயக்கம் : டாக்டர்.பிரகபல்
மக்கள் தொடர்பு : நிகில் முருகன்