கடந்த 2008-ஆம் ஆண்டு ஈழ மண்ணில் நிகழ்ந்த கோரமான இறுதிக்கட்ட போரில் தன் ஆருயிர் மனைவியை இழந்த தீராத சோகத்துடன், தன் பிஞ்சு மகளான நேகா அமரின் எதிர்காலத்தை உத்தேசித்து தமிழகத்தின் ராமேஸ்வரக் கரைக்கு அகதியாக வந்திறங்குகிறார் மருத்துவர் அமர் ராமச்சந்திரன். காவல்துறையின் விசேஷ அனுமதியைப் பெற்று, ஏனையோரைப் போல் முகாமிற்குள் தஞ்சம் புகாமல் தன் மனைவியின் இரத்த உறவுகளைத் தேடிச் செல்லும் அவருக்கு, அங்குக் கடுமையான புறக்கணிப்பும் அவமதிப்புமே பரிசாகக் கிடைக்கிறது.
உறவுகளாலும் கைவிடப்பட்டு நிர்க்கதியாய் நிற்கும் இந்த தந்தை-மகளை, தென்காசியின் புறநகர்ப் பகுதியில் ஒரு சிறிய பெட்டிக்கடை நடத்தி வரும் பாலா சிங் என்ற எளிய மனிதர் மனிதாபிமானத்தோடு தன்பால் ஈர்த்துத் தஞ்சம் அளிக்கிறார். அவர்கள் தங்குவதற்கு இருப்பிடம் தருவதோடு நின்றுவிடாமல், அமர் சுயமரியாதையுடனும் சுதந்திரத்துடனும் வாழ்வதற்கு ஒரு தள்ளுவண்டியில் காய்கறி வியாபாரம் செய்ய ஏற்பாடும் செய்து தருகிறார். மேலும், அந்த ஊர்ப் பள்ளியின் தலைமை ஆசிரியரை நேரில் சந்தித்து, நேகா மீண்டும் தன் இடைநின்ற கல்வியைத் தொடரவும் சிபாரிசு செய்கிறார்.
யுத்த பூமியின் கொடூரமான நினைவுகள், மனைவியின் பிரிவுத் துயரம், மகளுக்குப் பாதுகாப்பான வாழ்வை அமைத்துத் தர இயலவில்லையே என்ற குற்ற உணர்ச்சி எனப் பல்பரிமாண மன உளைச்சலில் தவிக்கும் அமர், ஒரு சுபயோக இரவில் தன் மகளை நெஞ்சோடு அணைத்தபடி தள்ளுவண்டியிலேயே தஞ்சம் அடைகிறார். மறுநாள் விடியலில் அவர்களின் ஒட்டுமொத்த வாழ்வையும் திசைதிருப்பும் வண்ணம் அரங்கேறும் அந்த அதிர்ச்சியூட்டும் சம்பவத்தின் பின்னணியில், தந்தை-மகளின் பாசப் போராட்டத்தை உணர்வுப்பூர்வமாக விவரிப்பதே படத்தின் மீதிக்கதை.
மொத்தத்தில் ‘தாய் நிலம்’ – அகதிகளின் ரணம்!
மதிப்பீடு : 3.5 / 5
நடிகர்கள் : டாக்டர் அமர் ராமச்சந்திரன், நேகா அமர், பாலா சிங், தீபக் பிரபாகர், பத்மஜா, நிமிஷா நம்பியார், குரு தட்சணா, தளபதி ஆனந்த், சரவணன் சொக்கம்பட்டி
இயக்கம் : அபிலாஷ் ஜி. தேவ்
இசை : ஔசேப்பச்சன்
மக்கள் தொடர்பு : சதீஷ் (AIM)
About the Author
