வடசென்னையின் கானா இசைக்கு உலகளாவிய அங்கீகாரம் தேடிப் போராடும் ஒரு இசைக்குடும்பத்தின் மூன்று தலைமுறைப் பயணமாகும். 1970-களில் தாத்தா தாஸ் விதைத்த கானா இசை விதையும், 1990-களில் தந்தை சிவா சந்தித்த ஏமாற்றங்களும், 2026-ல் நவீன DJ-வாக இருக்கும் ஜீவாவைத் தன் கலைப் பாரம்பரியத்தைக் கையில் எடுக்கத் தூண்டுகின்றன. கானா இசை என்பது பாமரர்களுக்கானது மட்டுமே அல்ல, அதுவும் போற்றப்பட வேண்டிய உயரிய கலை வடிவம் தான் என்பதை கர்நாடக மற்றும் மேலைநாட்டு இசை உலகிற்கு நிரூபிக்க ஜீவா சவால்களைச் சந்திக்கிறார்; தன் காதல், குடும்பப் பின்னடைவுகள், மற்றும் இசைத்துறையின் கடும் போட்டிகளைத் தாண்டி தன் தாத்தாவின் கனவை ஜீவா எவ்வாறு நிறைவேற்றுகிறார் என்பதே ‘மீசைய முறுக்கு 2’ படத்தின் மீதிக்கதை
எப்பொழுதும் போல, ஹிப்ஹாப் ஆதி இளைய தலைமுறைக்கு அறிவுரைகளை வழங்குவதோடு, தனது நடிப்பில் ஒரு துடிப்பான ஆற்றலையும் கொண்டு வருகிறார். பாடல் மற்றும் நடனம் மூலம் திரைப்படத்தை சுவாரஸ்யமாகவும் கொண்டாட்டமாகவும் வைத்திருக்கும் அதே வேளையில், அவ்வப்போது சில கருத்துக்களைப் பகிர்ந்துகொண்டும், ‘சென்னை கானா’ இசை வகைக்கு அங்கீகாரம் பெற ஒரு இயக்கத்தை முன்னெடுத்தும் வடசென்னை மக்களின் இதயங்களில் இடம் பிடிக்க முயல்கிறார்.
மூன்று வெவ்வேறு காலகட்டங்களைப் பிரதிநிதித்துவப்படுத்தும் மூன்று நாயகிகளான சைத்ரா ஆச்சார், கேதிகா சர்மா மற்றும் ரம்யா ரங்கநாதன் ஆகியோர் தங்களுக்குக் கொடுக்கப்பட்ட கதாபாத்திரங்களைச் சிறப்பாகச் செய்துள்ளனர்.
மொத்தத்தில்: ‘மீசைய முறுக்கு 2’ – இசைப்போராட்டம்
மதிப்பீடு : 3.75 / 5
நடிகர்கள் : ஹிப்ஹாப் ஆதி , ஹர்ஷத் கான், கருணாஸ், நாசர், ஆடுகளம் நரேன், சாரா, கருணாகரன்
இயக்கம்: ஹிப்ஹாப் தமிழா
இசை: ஹிப்ஹாப் தமிழா
மக்கள் தொடர்பு: ரியாஸ் K அஹ்மத், பாரஸ் ரியாஸ், சதீஷ் (S2 Media)
About the Author
