பெற்றோர் மிகவும் சிரமப்பட்டுக் கடன் வாங்கித் தன் மகனை (சூர்யா ராஜ் வீரபதினி) ஒரு மருத்துவக் கல்லூரியில் படிக்க வைக்கிறார்கள். கொரோனா காலகட்டமான 2020-ஆம் ஆண்டில், அந்தக் கல்லூரியின் பழைய விடுதி கட்டிடத்தில் இருக்கும் ‘418’ என்ற அறை கடந்த 15 வருடங்களாகப் பூட்டி வைக்கப்பட்டுள்ளது. 15 ஆண்டுகளுக்கு முன்பு நடந்த ஒரு அசம்பாவிதத்தின் காரணமாக, அந்த விடுதிக்குள் பெண்கள் யாரும் நுழையக் கூடாது என்ற விசித்திரமான கட்டுப்பாடும் நிலவுகிறது.
மாணவர்களின் எண்ணிக்கை அதிகமாக இருப்பதால், தற்காலிகமாகத் திறக்கப்படும் அந்த விடுதியின் 417-வது அறையில் நாயகனும் அவனது நண்பனும் (சரண் லக்கராஜு) தங்குகிறார்கள். அங்குத் தங்கும் நாயகனுக்குத் தன்னைச் சுற்றி விசித்திரமான அமானுஷ்ய நிகழ்வுகள் நடப்பது போன்ற மர்மமான அனுபவங்கள் ஏற்படுகின்றன. 418-வது அறைக்குள் இருக்கும் ஒரு பெண்ணின் அமானுஷ்ய சக்தி, கல்லூரி மாணவிகளைப் பழிவாங்கத் துடிக்கிறது. இதனால் நிஜத்திற்கும் மாயத்தோற்றங்களுக்கும் இடையே சிக்கித் தவிக்கும் நாயகன் கடும் மன உளைச்சலுக்கு ஆளாகிறான்.
ஒரு கட்டத்தில் அவனும் அவனது நண்பர்களும் இணைந்து அந்தப் பூட்டிய ‘அறை எண் 418’ இன் கதவைத் திறக்க முற்படும்போது ஒரு கொடூரமான விபரீதம் உருவாகிறது. இந்த அமானுஷ்யங்களின் பின்னணியைத் தேடும்போது, 2005-ல் பலியான தேவிகா (சைத்ரா ஆச்சார்) என்ற நாடகக் கலைஞரின் திடுக்கிடும் மர்மப் பின்னணியும் ஆழமான தாய் பாசத்தின் கதையும் வெளிவருகிறது. இறுதியில் அந்த மர்ம அறையின் ரகசியங்கள் அவிழ்க்கப்பட்டு, அமானுஷ்யத்தின் பிடியில் இருந்து நாயகன் தப்பினானா இல்லையா என்ற முடிவைப் படத்தின் இறுதிப் பகுதி விவரிப்பதே ‘418’ படத்தின் மீதிக்கதை.
மொத்தத்தில் ‘418’ – பூட்டிய அறை
மதிப்பீடு : 3 / 5
நடிகர்கள்: சைத்ரா ஆச்சார், சூர்யா ராஜ் வீரபதினி, சரண் லக்கராஜு, ப்ரீத்தி பகடாலா, சஷாங் பாட்டீல், ஸ்ரீ வைஷ்ணவ், ரமேஷ் இந்திரா
இசை : வெங்க்கி ஜி.ஜி
இயக்கம் : கீர்த்தன் நாககௌடா
தணிக்கை சான்றிதழ் : A
மக்கள் தொடர்பு : சுரேஷ் சந்திரா
About the Author
